Up
小學點滴
真摰友情
宣導園畢業營
昔日片段

          我的母校

　

    基灣小學keiwan.jpg (3672 bytes) 係收留o左我七年o既地方, 點解七年呢?

當然係成績彪炳, 老師們想見多我一年. 那麼在三年班時, 詢眾要求,留班了. 還記得老媽子唔想我留班而帶我到灣仔聖雅各小學博一鋪. 印象中,那校舍有一大雀籠, 裏面有彩雀無數. 當聽到鐘聲, 我就要去考試, 媽媽叫我醒目o的, 那麼我就上刑場了.  唔知係咪之前同o的雀仔玩得太開心了, 我完全唔記得有考過試, 媽媽問我考什麼, 我根本答唔到佢. (其實我懷疑自己有冇答過份卷), 最後個結果當然係激死人啦. 現在回想一下真係好笑.

我是一個喜歡惡作劇的小子, 差不多每年都爆鑊, 有時好彩避到老師魔掌, 現在等我一一列出來吧! 如果你係受害者, 我真的向你作出萬分歉意!!!!

倒霉, 斷正事件

  1. 英文 short test 改分---------------------記一小過

  2. 上堂食魷魚絲 ( 其他人食冇事, 我就衰o左 )-記一不守紀律

  3. 中書考試傾偈 ( 寫毛筆咋, 都有得罰 )------記一不守紀律

  4. 吹口水波, 不小心飄到老師絲襪上-----------記一不守紀律 + 留堂

  5. 下雨時, 走到草叢捉草猛-------------------記一不守紀律

  6. 射象根失手, 射到同學眼睛-----------------記一不守紀律

　

好彩事件

  1. 當小息鐘聲響起後, 同學們一定要企定, 不能行走. 此時我便拿起水壺倒下去, 有數名同學被弄濕了--------------逃離現場

　

係基灣這段日子我識o左好多朋友, 多謝你o地對我o既包容. 記得楊宜興老師 (三年級班主任)曾經講過, 小學同學係你o地一生中最好o既摯友. 當時聽到都幾 touching. 因為楊老師比我感覺到佢自己o既心聲, 所以我永遠都會記得當時情景.

事實上, 當我上到中學才體會到楊老師的說話.